Gepëspers um Späicher (Podcast)
An dësem Podcast dréine mer d’Auer zeréck a kucke mat eisen Invitéen an hir Vergaangenheet. De Podcast gëtt vum RTL Télé Lëtzebuerg produzéiert a bitt perséinleche Geschichten an Erënnerungen.
Épisodes
Episod 17 - Tommy Schlesser
Schon als Kand stoung hien virun der Kamera vu sengem Brudder, mee sollt eigentlech Jurist ginn.
Duerch eng Rei glécklech Zoufäll a vill Talent, fänkt hie Fouss op der däitscher Télé. Wat war seng grouss Passioun als Kand? A wat ass säin Wonsch fir d’Zukunft?
Episod 16 - Paule Kremer
Als Extreem-Schwëmmerin 14 Stonnen duerch d'Mier schwammen: Wat geet engem do duerch de Kapp?
Wat ass dat komeschst wat si wärenddeems erlieft huet? A firwat dierf di ni méi Ronnen duerch de Stauséi dréien?
Episod 15 - Anne Brasseur
Deputéiert, Ministesch, Schäffen, Gemengeconseillère an der Stad Lëtzebuerg a Member vun der Assemblée parlementaire vum Europarot.
Episod 14 - Gérard Lopez
Entrepreneur an Investisseur.
Wat wollt den “self-made man” am Alter vun 10 Joer ginn? Wat ass seng Liewensphilosophie? An gëtt et eppes wat hien bedauert?
Episod 13 - Mandy Graff
Bekannt ginn duerch Germany’s Next Top Model. D’Mandy Graff erkläert eis, dass si eigentlech am Léifsten Déierendoktesch ginn wier.
Episod 12 - Gast Gibéryen
An engem Schlass gebuer, ouni Prënz ze sinn.
De Gewerkschaftler an duerno Politiker erkläert eis wéi d’ADR entstanen ass an firwat hien an der Zäit sou gär Gigi l’Amoroso gelauschtert huet.
Episod 11 - Astrid Lulling
D’Astrid Lulling ass déi 2. Fra an der Lëtzebuerger Geschicht déi an d’Chamber gewielt gouf. Wéi huet si deemols dësen Männer-Domaine erlieft?
A wéi kënnt et, dass si aus der LSAP erausgehäit, a schlussendlech bei der CSV gelant ass? D’Politikerin erkläert och, firwat si sech ni bestuede wollt.
Episod 10 - Bob Bertemes
Een exzeptionelle Sportler mat demm mir iwwer “d’Déckt” vun sengem Häerz geschwat hunn.
Mir wollten wëssen firwat hie senger Mamm als Jugendlechen nawell ferm op de Geescht gaangen ass a wat hien elo stiicht, wou hie keng “Bomme méi stéisst”.
Episod 9 - Désirée Nosbusch
Mat 12 Joer ass hir Karriär ugaangen: Schauspillerin, Actrice, Regisseurin a Moderatrice.
“Eist Désirée” ass een Ausnametalent an hat ni een einfache Wee. Iwwer Réckschléi, hir italieenesch Originnen an hir Zäit an den USA schwätz mer um Späicher.
Episod 8 - Andy Bausch
Selwer Filmer dréinen, dorop ass de Realisateur schonn am jonken Alter gestouss, duerch säi Papp. Seng grouss Passioun ass d’Musek.
Episod 7 - Bob Jungels
De Vëlosprofi ass schon mat 3 Joer ouni Riedercher gerull an huet trotz dem ville Training och an der Schoul ni e laangen Owend luppe gelooss.
Episod 6 - Betty Fontaine
Mat der Generaldirektesch vun der Weeltzer Brasserie Simon hu mer iwwer Béier , iwwer Kampffligeren, iwwer de grousse Brudder an hiren Doudou geschwat.
Episod 5 - René Winkin
Seng grouss Passioun ass den FC Liverpool. En Éisleker Jong vun engem Bauerenhaff den haut d’Geschécker vun der Industriellefederatioun FEDIL geréiert.
Episod 4 - Claudia Monti
Déi fréier Ombudsman wollt eigentlech Archeologin ginn a sammelt alles wat glänzt. Si seet vun sech selwer “mengen Elteren haten et net einfach”.
Episod 3 - Martine Solovieff
Déi fréier Procureur général d’État erzielt eis vun hirem strenge Papp, hire russeschen Originnen a vun enger spezieller Course am Gebai vum Geriicht.
Episod 2 - Colette Flesch
D'Grande-Dame vun der demokratescher Partei schwätzt vun hirer Léift fir de Sport, hirer Evakuatioun a Frankräich an hirem Liewen an der Politik.
Episod 1 - Jean Asselborn
De fréieren Ausseminister hëlt eis mat op Stengefort. Als Bouf ass hien net gär an d’Schoul gaangen an hat als Kand och e ganz extrae Beruffswonsch.
