Fiasko Fest
Mir maache Plaz fir d'Scheiteren. Eng Bün fir Verléierinnen a Verléierer. Eng Anti-Haltung zu éiweger Leeschtung ...
Épisodes
S03E43 Heiansdo deet et wéi: Oke
Et dauert net laang, wann een e Gespréich mam Museker Oke féiert, bis datt d’Theema Identitéit opkënnt. Identitéit an all senge Facetten: Hierkonft, Sexualitéit, kënschtlerescht Schaffen. Awer sécher ass: Fir den Oke ass do, wou hien hierkënnt, nämlech aus Lagos, Nigeria, déi dreiwend Energie fir seng Konscht a säi Liewen. An trotzdeem fillt hie sech als Lëtzebuerger, och wann him de Wee vun der I
S03E42 Heiansdo deet et wéi: Ben Bauler
Net onbedéngt méi wëllen, awer trotzdeem méi wëllen. Iergendwéi sou. De Ben Bauler, deen nieft de Bünen an den Theateren zu Lëtzebuerg e bekannt Gesiicht ass, ass net deen, dee Karriär maache muss, awer wat soll dat schonn heeschen? Matt ënnert anerem der Fro vum Éiergäiz gëtt sech am Luc Spada sengem Fiasko Fest ausernee gesat. Obwuel mir jo awer alleguerte wëssen, dass sech um Enn näischt plange
S03E41 Heiansdo deet et wéi: Julie Costa
Komesch, dat ass e Wuert, dat den Haaptzoustand vun der Julie Costa beschreift. Also wuel verstanen, net de Luc Spada, Moderator vu Fiasko Fest, géif seng Invitée esou bezeechnen, mee d’Chargée de communication an d’Creatrice vu "Luxemburg does it best" sech selwer. Gedriwwe vum Virwëlz an enger ënnerlecher Onrou erzielt si iwwer hiert Bedürfnis déi net latzeg Säite vu Lëtzebuerg ze weisen
S03E40 Heiansdo deet et wéi: Liz Braz
D’Liz Braz ass Politikerin an no de Walen, wou et kloer gouf, datt si an d’Chamber kéim, konnt si et net wierklech gleewen. Net vu Freed, mee méi esou wéi wa si dat net verdéngt hätt. Si war dach just jonk an naiv an hat keng Erfarung. Dat ka jo dann net wierklech wouer sinn, oder? Et geet awer natierlech net just ëm Politik bei Fiasko Fest, dem Luc Spada sengem Podcast iwwer Scheiteren, mee eeben
S03E39 Heiansdo deet et wéi: Edwin Aldin
Dat huet deemools scho wéigedoen. Och nach haut behaapt den Edwin Aldin, datt dat mat där enger Band do, déi hien zesumme mat engem Kolleeg gegrënnt huet, wierklech ee vu sengen einsaamste Momenter war. Wann op eemol alles ewechbrécht: d’Identitéit, d’Karriär an och d’Bezéiungen zu senge Kolleegen. Et war definitiv en Héichpunkt am Katalog vum Museker a Produzent senge perséinleche Scheitermomente
S03E38 Heiansdo deet et wéi: Frédérique Colling
D’Schauspillerin a Comedian Frédérique Colling huet net onbedéngt d’Gefill, datt si ëmmer dee beschten Timing huet. Vill Entscheedungen hätten och méi fréi getraff kënne ginn. Da misst een och net schwaach falen, wann eng Fra ee kësst. Mee wéi mir dacks an der Sendung Fiasko Fest vum Luc Spada léieren: Esou einfach ass et eben oft net. Och net op der Spillplaz, wuertwiertlech. Wou Leit einfach net
S03E37 Heiansdo deet et wéi: Laurent Agostino (Live)
Den éischte Fiasko Fest Live am TNL ass mam Laurent Agostino. Dem Luc Spada säin Invité schwätzt ganz offen doriwwer, wéi et ass behënnert ze sinn a wat dat genau heescht. Hie fënnt et richteg vill iwwert sech a seng Behënnerung ze schwätze fir och deene Persounen ze hëllefen, déi sech do méi schwéier dinn. Souwuel matt dem Fakt selwer behënnert ze sinn, wéi och domadder, wéi een d’Wierder richteg
S03E36 Heiansdo deet et wéi: Laurent Prim
Fiasko Fest mam Laurent Prim ass warscheinlech eng vun den emotionaalste Sendunge fir de Luc Spada, zanterdeem hien iwwert all déi Momenter, déi net sou gutt lafen, um Radio 100,7 schwätzt . Et ass schwéier eppes ze beschreiwen, wat ee vergiesse well, obwuel et geschitt ass. Et muss een also leiere matt eppes ëmgoen, wat een net well, dass et geschitt ass. Mee och wann een et vergiess huet, heesch
S03E35 Heiansdo deet et wéi: Simone Asselborn-Bintz
Ween ass d’Simone Asselborn Bintz? Virun allem eng Fra vun hirem Mann, Mamm vu Kanner. Oder: Virun allem eng Partnerin. Dat ass wichteg ze wëssen. Esou fänkt d’Sendung un. An sou geet et weider: Heiansdo wier si och gären e Mann. Dofir gëtt et och e Grond. De gitt dir dann exklusiv bei Fiasko Fest mam Luc Spada gewuer. Mee och: D’Sendung fänkt lëschteg un, mä wéi et sech fir Loser gehéiert, ass ne
S03E34 Heiansdo deet et wéi: Ricardo Prosperi
Et ass okay net ëmmer disziplinéiert ze sinn, natierlech. Mee wann ee seng Ziler erreeche wëllt, brauch et dann awer e bëssi dovun. An dann och nach Uni ofgebrach, jonk Papp ginn ... de Ricardo Prosperi huet e wäite Wee hanner sech. An awer: Näischt war eng méi grouss Erausfuerderung wéi sech der Trauer, nom Doud vun engem noe Mënsch, ze stellen, erzielt dee jonken Entrepreneur dem Luc Spada bei F
S03E33 Heiansdo deet et wéi: Chantal Maquet
Un deem ganze Misär ass näischt Positives ze gewannen. Do brauch et keng verkläerte Romantik. Et ass een eleng an et muss een eleng do duerch. Wann eng schwéier Krankheet een erwëscht, kann ee sech am beschte selwer hëllefen. An am Fall vun der Kënschtlerin Chantal Maquet war déi eenzeg Chance, datt, um Ufank vun der ustrengender Therapie, net wäit vun hirer Wunneng zu Hamburg, eng Piscine opgemaa
S03E32 Heiansdo deet et wéi: Marianne Donven
Eppes ass sécher: Wa beim Marianne Donven keen doheem ass, verléisst si hiert Haus direkt erëm. Si huet gäre Leit ronderëm sech. An ass och gäre fir Leit do. Eege Besoinen huet si eegener Ausso no komplett ofgeschaaft. Et gi jo schliisslech genuch Leit, déi nach ni an hirem Liewe Vakanz gemaach hunn. Oder an der Sauna waren. Wéi hänkt dat alles zesummen? De Luc Spada freet bei Fiasko Fest genee no
S03E31 Heiansdo deet et wéi: Tania Brugnoni
D’Tania Brugnoni ass Directrice vum MNAHA, elengerzéiend Mamm a ganz bewosst net an enger Bezéiung. A wéi et sech bei Fiasko Fest mam Luc Spada esou gehéiert, geet et och ëm déi donkel Stonnen, an deenen d’Hoffnung eleng net méi dréit. Fir déi ze iwwerwanne muss een zwar net gleeweg sinn, mee esou e klengt Stoussgebiet ka sécher net schueden. Egal a wéi eng Richtung. Virun allem, wann ee fréi gelé
S03E30 Heiansdo deet et wéi: Lena Rocca
E bëssi vun allem, vill Sport, als Model schaffen, un enger E-Sport Weltmeeschterschaft deelhuelen, awer och eng Karriär als Sängerin ustriewen a Biologie studéieren. D’Lena Rocca mécht vill. Vun allem e bëssi, näischt sou richteg? Gutt Fro! Sécher awer net méi zeréck an déi eng Schoul. Do, wou een ee vun deene “Komesche” war a sech net verstane gefillt huet. De Luc Spada freet no, awer et ass all
S03E29 Heiansdo deet et wéi: Jessica Lopes
D’Duechter vun enger elengerzéiender Mamm, Schrëftstellerin vun engem Buch a Soziologin, d’Jessica Lopes, weess wéi et ass, wann ee vill Fräiheet huet dat ze maachen, wat ee wëllt. Heescht also och, datt een e bëssi "egal wat" maache kann, éier een dann esou lues op de richtege Wee kënnt. Een, dee si souguer mat engem Master ofgeschloss huet. An haut? Et ass net ëmmer einfach en Deel vum S
S03E28 Heiansdo deet et wéi: Christophe Reitz
Pragmatesch kann deChristophe Reitz (All Reitz Reserved) zimmlech gutt. Wéini dës Eegenschaft ubruecht ass (oder eben och net), erkläert de Museker dem Moderator LucSpada bei Fiasko Fest. Mee souvill sief verroden: Et huet natierlech mat Bequeemlechkeet ze dinn, mee net nëmmen. Och mat Angscht, mee net nëmmen. Et ass ni just dat eent oder dat anert, mee ëmmer bësse vun allem. An dohëlleft et sech
S03E27 Heiansdo deet et wéi: Krick
D’Krick ass zum Zombie ginn. Dat war éier si ugefaangen huet sech op hir Karriär als Musekerin ze konzentréieren. An domat och eng Iddi dovun ze kréien, wat et heescht fräi ze sinn. D’Fräiheet sech net zu eppes ze zwéngen, wat ee guer net wëllt a vläicht och guer net kann. Dat wier den Ufank. An da wier do nach dat mam sensibel sinn. Eigentlech eng gutt Saach, wéi de Luc Spada bei Fiasko Fest meng
S03E26 Heiansdo deet et wéi: Alessia Bicchielli
Wéi eng Maschinn schaffen, einfach weider, net op den eegene Kierper lauschteren, alles fir d’Karriär. Datt dat net onbedéngt de richtege Mindset fir ee muss sinn, huet d’multidisziplinär Kënschtlerin a Moudendesignerin Alessia Bicchielli um eegene Kierper fir sech misse feststellen. Allgemeng kann ee soen, datt si hier Studienzäiten zu Mailand net a beschter Erënnerung huet. Wat alles geschitt as
S03E25 Heiansdo deet et wéi: François Benoy
Engagéiert sinn, voll a ganz un der Gesellschaft deelhuelen. An am Idealfall, klenge Spoiler, dës Welt e Stéck besser hannerloossen, wéi ee se virfonnt huet. Dat ass et, wat de François Benoy wëllt. An natierlech och méiglechst vill Leit op dëse Wee mathuelen, mee et muss een natierlech och entscheeden, wéini et genuch ass, well net all Mënsch bereet ass Léisungen op komplex Situatiounen ze fannen
S03E24 Heiansdo deet et wéi: Ninon
Just fir dass et kloer ass: Wann dir Anglizismen net verdrot, da musst dir elo ganz staark sinn. Et ass esou wéi d’Ninon sech am beschten ausdréckt an dat ass e Gléck, well d’Sängerin huet vill ze soen an och vill erlieft. Dat war net ëmmer einfach. Haut geet et hier awer gutt. Esou gutt, dass si Angscht huet et kéint all Moment eriwwer sinn, wat wierklech schued wier: Et ass grad sou schéin. Fias
S03E23 Heiansdo deet et wéi: Laura Ferber
D’Laura Ferber leet zesumme mat hirem Brudder an der 4. Generatioun eng grouss Firma. Et geet ëm Hoer, souvill sief verroden. Hoer schneide ka si selwer leider net méi an den Dram vum Modele gouf iergendwann ënnerbrach. Et koum ee Moment, wéi si 24 Joer al, deen alles verännere sollt. An et huet vun do un och eng Zäit gedauert, bis si soe konnt: Et ass awer gutt. Vläicht ass et souguer e Kaddo. Fi
S03E22 Heiansdo deet et wéi: Céline Zimmer
An engem Raum mat (dacks) nëmme Männer. Eng Situatioun, déi dem Luc Spada seng Invitée bei Fiasko Fest scho méi dacks huet missen erliewen. A wéi dat dann esou ass, fillt sech dat besote Geschlecht net seelen dozou auserwielt, ongefrot seng Meenung matzedeelen, obwuel d’Expertin an deem Raum d’Architektin Céline Zimmer ass. A si och genee aus deem Grond an deem Raum do sëtzt. Hei brauch et Trainin
S03E21 Heiansdo deet et wéi: Nadine Robert
D’Nadine Robert ass Influencerin, Model an eng Persoun, déi aus den Erausfuerderunge vum Alldag eppes mécht, wat schwéier a Wierder ze faassen ass. Ëmmer faarweg ugedoen, ëmmer gutt gelaunt, ëmmer um "klimperen". De Luc Spada huet awer an dëser Emissioun vu Fiasko Fest Asiicht an d’Vergaangenheet vu senger Invitée kritt. Et war net ëmmer faarweg, net ëmmer schéin, mä och dacks ganz ellen,
S03E20 Heiansdo deet et wéi: Gérard Thein
De Gérard Thein kennt seng Grenzen, et ginn der zwou. Eng no der éischter Bezéiung matt enger Etapp am Senegal an déi aner Grenz ass no Covid an engem schrecklechen Accident a sengem Betrib. Sécher ass: De Gérard Thein ass elo net méi "de Bouf vun", hien ass keng 10 Joer méi a muss elo Verantwortung droen. Och sécher: Zäit feelt ëmmer. De Luc Spada schwätzt hei an enger weiderer Folleg Fia
S03E19 Heiansdo deet et wéi: Alain Wolff
Et brauch am Liewe Grenzen. Dat heescht, datt et ënner anerem wichteg ass ze leieren Nee ze soen an op sech opzepassen. Wann een dat net mécht, kann et och mol séier schifgoen. Woubäi dat och net ganz richteg ass: et geet net séier, mee éischter lues, esou ee Gefill, dat ëmmer do ass, een net wierklech faasse ka bis et ze spéit ass an op eemol guer näischt méi geet. Dat huet och deen haitegen Hypn
S03E18 Heiansdo deet et wéi: Nancy Braun
Eng vun de Spezialitéite vum Luc Spada senger Invitée bei Fiasko Fest? Eckeg a kanteg Projeten. Ganz besonnesch déi mam Kulturjoer, de ville politesche Faarwen an Erwaardungen. An dertëschent iergendwou: d'Nancy Braun, déi et mam Familljebetrib net méi hikrut a frësch aus Japan zeréck ass. An elo? Gutt Fro. Wat ëmmer hëlleft: trëppelen a beim trëppelen zu sech fannen. No dem ganzen Trubbel, d
S03E17 Heiansdo deet et wéi: Yannick Iannelli
Authentesch sinn. Dat ass sou e Wuert ... All Mënsch wëllt et sinn. Oder mengt et ze sinn? Et ass net einfach soen ze kënnen, wou d’Floskel ufänkt an de Contenu ophält. Fiasko Fest mam Luc Spada huet den Influencer Yannick Iannelli agelueden, fir hei Äntwerten ze kréien. Mat Succès? Jo, vläicht, eigentlech, naja, net wierklech, vläicht e bëssi. Wat sécher ass: Et gëtt en direkte Lien tëschent dem
S03E16 Heiansdo deet et wéi: Steffi Buchler
Definitiv war fréier net alles besser an och un de Soziale Medie muss net alles schlecht sinn. Do sinn de Fiasko Fest Moderator Luc Spada a seng Invitée, d’Steffi Buchler, sech eens. An da wieren do nach d’Frëndschaften. Wat si gutt Frëndschaften a wat braucht et fir datt eng Frëndschaft och bleift? Sécher ass, datt et keen allgemengt Rezept gëtt. Awer et hëlleft natierlech, wann ee sech vertraue
S03E15 Heiansdo deet et wéi: Maurice Molitor
Bei dëser Emissioun vu Fiasko Fest huet de Luc Spada sech en Aarbechtskolleeg a seng Emissioun agelueden: de Maurice Molitor. An hei gëtt séier kloer: deen hausinternen Invité ass sech senge Privileegie bewosst. An dofir muss hie sech och net entschëllegen, dat ass puer Chance. Mee wat ass mat all deenen, déi keng Chance haten? Mënschen a Krisegebidder oder deenen aner Ongerechtegkeete passéiert s
S03E14 Heiansdo deet et wéi: Nora Koenig
Ganz éierlech. D’Nora Koenig gëtt elo einfach al. Dat muss een dann mol sou soen, wéi et ass, seet d’Schauspillerin. Do brauch de Moderator Luc Spada och guer net sou matt groussen Ae kucken. An ass dat schued? E bëssi, villäicht. Déi Energie ass eben net méi grad sou "wéi fréier". Dofir kennt eppes ewéi Rou an d’Plaz, e bëssi manner »et muss elo sinn« an dofir méi "dann ass et eben n
S03E13 Heiansdo deet et wéi: Georges Krombach
Net jugéieren, nolauschteren an e Gespréich zouloossen, onofhängeg dovun, ob ee mateneen averstanen ass oder net. Dat ass wichteg fir eng gutt Diskussioun an och eng vun de Richtlinne bei Fiasko Fest. Dës Kéier agelueden ass de Georges Krombach, Chief Commercial Officer vun Heintz van Landewyck. Wéi ass et méiglech Mënsche gären ze hunn an awer och Gëft ze verkafen? Natierlech ass et net ëmmer jus
S03E12 Heiansdo deet et wéi: Sylvia Camarda
Eppes ass sécher. D'Sylvia Camarda gehéiert net an eng Këscht. Net am Liewen a ganz sécher och net duerno. Wat ass nach sécher? Disziplin ass wichteg, mee net nëmmen. D'Dänzerin a Politikerin ka béides, ofdauchen an zeréckkommen. Et ass vill geschitt: Vun der stolzer Massendéngerin zu Nidderkuer iwwer hir net ganz einfach Zäit beim Cirque du soleil bis hin zu dem Moment virum Spigel, bei
S03E11 Heiansdo deet et wéi: Pit Arnold
Guer näischt fillen? Jo, dat geet. Et huet alles mat engem Tinnitus ugefaangen an et huet, am beschte Sënn: mat engem besonnesche Mënsch opgehalen. Esou kéint een ofgekierzt en Deel vum Wee vum Fussballfan, Journalist, Konzept -Kreateur a Stand-up-Comedian Pit Arnold beschreiwen. A mëttlerweil kann hie mat engem gewësse Stolz soen, datt hien zanter 3 Joer d’Panikattacken hanner sech gelooss huet.
S03E10 Heiansdo deet et wéi: Indira Idrizovic
Et huet alles mat engem Camping zu Stengefort ugefaangen a vun do aus huet d’Indira Idrizovic sech hiert Liewen zu Lëtzebuerg opgebaut. Haut ass si Grafikerin a Mamm vun dräi Kanner. Woubäi de Fokus ëmgedréit ass. Fir d’éischt d’Kanner an dann alles anescht. Dat huet d'Zäit net ëmmer zougelooss an dat bereit si bis haut. Famill huet absolut Prioritéit, dat gëtt ëmmer erëm kloer an dësem inten
S03E09 Heiansdo deet et wéi: Michel Abdollahi
An dëser Episod vu Fiasko Fest schwätzt de Michel Abdollahi oppen iwwer d'Liewen als Mënsch mat Migratiounsgeschicht an Däitschland. Wéi fillt et sech un, och no ville Joren ëmmer nach als “Auslänner“ ugesinn ze ginn? Mam Luc Spada geet et ëm riets Tendenzen, déi Leit dozou bréngen, iwwer en zweete, net-däitsche Pass nozedenken. A wat bedeit “däitsch sinn". Kann ee jeemools wierklech ukom
S03E08 Heiansdo deet et wéi: Tessy Antony de Nassau
Et ass ganz kloer: Mir schwätzen hei net iwwer den Elefant am Raum. Fiasko Fest mam Luc Spada ass ëmmerhin eng Show iwwer déif Gefiller a grouss Gespréicher a net iergendeng Klatsch an Traatsch Sendung. Okay, e bëssi vläicht, obwuel d’Tessy Antony de Nassau eigentlech net wëllt. Et gëtt nämlech vill méi ze soen, wéi just déi Saach do mat de Krounen an esou weider. D’Nidderkuerer Meedchen, dat gäre
S03E07 Heiansdo deet et wéi: Sandy Heep
Et ass wichteg sech Hëllef ze huelen, wann een Hëllef brauch. Dat kléngt eigentlech logesch, mee d’Theorie ass méi komplex wéi d’Ëmsetzung. De Kapp an de Mënsch souwisou. Dat weess och d’Sandy Heep, déi mat Suicidegedanken, Depressiounen a jo, et kann een et net anescht soen: mat sech selwer ze kämpfen huet. Déi gutt Noriicht ass: Hëllef ass méiglech. An déi fënnt een dacks scho beim Hausdokter an
S03E06 Heiansdo deet et wéi: Maja Juric
„Ach, ich glaube, ich bin ein Mensch, der ständig auf der Suche nach sich selbst ist (...)“. Dat ass den Ufank vun der Äntwert op d'Fro vum Luc Spada, wat seng Invité, d'Schauspillerin Maja Juric ausmécht. Eng ideal Basis fir Fiasko Fest, wou de Moderator sech zwar op den Invité preparéiert, awer keng konkret Froe virbereet. Dat hei ass ëmmerhin nach e Gespréich a keen Interview. Et geet
S03E05 Heiansdo deet et wéi: Emilie Boland
Wat d'Emilie Boland sécher net brauch, ass Opmierksamkeet. Dovun huet déi eemoleg Miss Luxembourg a Besëtzerin vum Moudelabel Bogere méi wéi genuch an dat huet si sech selwer verdéngt. Wat d'Gewalt an hirer Ex-Bezéiung ugeet, hat si keen anere Choix, wéi ëffentlech goen. Alles wat si wollt, ass, dass hier gegleeft gëtt. Awer einfach war de Wee net an de Luc Spada schwätzt bei Fiasko Fest
S03E04 Heiansdo deet et wéi: Mara Stieber
Mara Stieber ass Aktivist, politesch aktiv bei déi Lénk, spezialiséiert am Genderberäich a versteet sech selwer als non-binär. Et kann ee soen, datt Mara sech fir eng gerecht Gesellschaft fir all Mënsch asetzt. Oder wéi de Cliché vum ale wäisse Mann Mara bezeechne géif: woke. Wéi och ëmmer, et ass eng Welt, déi engem Angscht maache kann an dacks net vill Plaz fir Hoffnung léisst. De Luc Spada geet
S03E03 Heiansdo deet et wéi: Luca De Michele
De Luca De Michele huet am 6. Schouljoer vu senger Léierin gesot krut, hie soll sech ophänken. Déi brutal Ausso huet de jonke Maquilleur staark markéiert. Haut kann hien doriwwer laachen an dës Erënnerung huet him och gehollef sech vun allem, wat him net guttdeet, ze distanzéieren. An engem intensive Gespréich mam Luc Spada deelt de Makeup-Artist vill perséinlech Momenter aus sengem Liewen a Fiask
S03E02 Heiansdo deet et wéi: Anne-Mareike Hess
Als Dänzerin, Kënschtlerin a Fra schafft d’Anne-Mareike Hess sech ëmmer erëm un de Mëssstänn vun eiser Gesellschaft of. Dat ass engersäits Aarbecht, anerersäits eng ongeschriwwe Pflicht fir si. Dobäi ass d’Haaptinstrument als universell Sprooch de Kierper. Mee och deen ass net onendlech a stéisst u seng Grenzen. Virun allem wann den Drock vun Erwaardungen, Leeschtung an dem Alter schwéier op engem
S03E01 Heiansdo deet et wéi: Julie Kieffer
Mam Motto "Heiansdo deet et wéi" geet Fiasko Fest schonn an déi 3. Staffel. An dowéinst brauch et e puer Ännerungen, well och d'Scheiteren dierf net langweileg ginn. Et gëtt just nach en/eng Invité:e fir esou richteg an d'Déift ze goen. A fir déi éischt Show vun der neier Staffel ass dat d’Schauspillerin Julie Kieffer. Si erzielt dem Luc Spada vun hiren Ängschten, wéi onfair den
S02E43 Mir scheiteren ëmmer nach: Anne Faber a Cindy Oliveira
D'Cindy Oliveira ass Comedian an d'Anne Faber ass eng, jo, wéi soll ee soen? Eng Journalistin, déi gäre kacht. Sécher ass: Iergendeppes mat Iessen. Iergendeppes mat schlechter Stëmmung? Jo, dat muss och heiansdo sinn. Et brauch just dee richtege Moment an e gudde Grond dofir. Dëst ass déi lescht Episod vun der 2. Staffel Fiasko Fest mam Luc Spada, mee mam Scheiteren ass et nach laang net
S02E42 Mir scheiteren ëmmer nach: Mandy Graff an Emile Schlesser
D'Mandy Graff huet Karriär gemaach, huet laang Zäit als Model geschafft an ass haut Léierin. Huet si d’Gefill, datt si et zu méi hätt brénge kënnen? Vläicht esouguer internationale Superstar? Net wierklech. Oder dach? Vläicht e bëssi. Vläicht e bëssi méi virsiichteg ass de Kënschtler Emile Schlesser, wann hien déi nächste Kéier an d’Mier geet. Dat ass sécher. Wisou? Do gëtt et just eng Äntwer
S02E41 Mir scheiteren ëmmer nach: Maale Gars a Ruth Lorang
Fir mol direkt kloer ze sinn: E Sträit heescht net, datt ee seng Stëmm hiewe muss. Esou gesäit dat jiddefalls den Thomas Roland aka de Museker Maale Gars, deen et elo wierklech wot: Fort vun enger fester Plaz an d’fräiberufflech Welt. Eng Welt, déi der Designerin Ruth Lorang scho méi laang bekannt ass. Wat brauch et nach? Gesond Grenzen, dat ass emol sécher. An um Enn muss och mol gekrasch ginn. A
S02E40 Mir scheiteren ëmmer nach:Anne Klein an Eugénie Anselin
D'Eugénie Anselin an d'Anne Klein si Schauspillerinnen a maachen och Comedie. An allen zwee wëlle si, datt ee si gären huet an trotzdeem kann ee jo net alles richteg maachen. Datt dat okay ass, muss ee léieren. An heiansdo geet et engem och mol richteg schlecht an et weess een net wisou. An esouvill sief gesot: Dofir muss ee sech net schummen. Nimools an am allermannste bei Fiasko Fest m
S02E39 Mir scheiteren ëmmer nach: Dr. med. Thorsten Schwark a Miss Sappho
An dëser Show vu Fiasko Fest geet et vill ëm den Doud, ëm Kierperen an och Ängscht. De Priv.-Doz. Dr. med. Thorsten Schwark ass Head of Department vum Laboratoire Nationale de Santé a säin Alldag ass Läichen opschneiden. An d'Miss Sappho aka Mandy Boehm huet et gepackt sech aus dem perséinlechen Déifpunkt eraus ze kämpfe fir haut e glécklecht Liewen ze féieren. An dat mat Hëllef vun enger Sch
S02E38 Mir scheiteren ëmmer nach: Ceci an Isaiah Wilson
Den Isaiah Wilson an d'Ceci si kreativ ënnerwee, awer a ganz verschiddene Genren. Den Isaiah Wilson als Choreograph an d’Ceci als Content Creator (Influencer héiert si net esou gär) an och als Moderatorin vum Podcast “Ceci, Do You Love Me?.“ Et geet vill iwwer Schwächten a wéi een doraus och eng Stäerkt maache kann, mee um Enn bleift eng Angscht an et ass net déi virum Doud. Lauschtert Fiasko
S02E37 Mir scheiteren ëmmer nach: Nikita Lutgen a BC One
De Rapper an Erzéier BC One weess, wou hien hierkënnt. Ëmmer e bësse géint de Stroum a mat vill Häerz, erzielt hie seng Geschichten direkt vun der Long op d’Zong. Einfach war et net ëmmer, mee et huet sech gelount. Dat weess och d’Nikita Lutgen, déi zweet Invitée bei Fiasko Fest mam a vum Luc Spada. D'Nikita Lutgen ass Erzéierin a Musekerin, déi fir sech mat der Zäit geléiert huet, sech e Kon
S02E36 Mir scheiteren ëmmer nach: Betsy Dentzer a Jil Devresse
D’Betsy Dentzer an d’Jil Devresse sinn d’Invitéeë beim Luc Spada. Allen zwee erziele si Geschichten. Op der Bün oder virun der Kamera. Et kéint een och vun der Konscht vum sech verletzlech maache schwätzen, mee et ass keng Therapie. Wat ass et dann? E Geschenk un de Public? Eng Befreiung? Ego? Dir wëllt eng Äntwert? Lauschtert d’Show vun de Loser fir d’Loser!
S02E35 Mir scheiteren ëmmer nach: Robert Brandy an Laura Deitz
De Robert Brandy ass Moler. Villäicht souguer den éischte fräischaffende Kënschtler zu Lëtzebuerg. An dat säit iwwert 50 Joer. Geet dat ganz ouni Scheiteren? Sécher net. D’Laura Deitz ass Graphikdesignerin an si sicht ëmmer erëm no Erausfuerderungen. A konfrontéiert sech gäre mat Situatiounen, an deenen si sech net sou sécher fillt. Zum Beispill an d’Sendung Fiasko Fest mam Luc Spada ze kommen.
S02E34 Mir scheiteren ëmmer nach: Rick Mertens an Diane Jodes
Heiansdo leegent ee verschidde Saachen, och grad am Alter. Vläicht. Vläicht och net. Esou genee kann een dat och net soen. Heiansdo hëlleft schwaarzen Humor, awer och Schwammen ass gutt. Oder lafe goen. Iergendwou tëschent Tatsaachen an Emotiounen, Ausland a Lëtzebuerg, Doud a Liewen, Noriichten a Konscht, treffen de Rick Mertens an d’Kënschtlerin Diane Jodes op de Moderator Luc Spada an der Sendu
S02E33 Mir scheiteren ëmmer nach: Yasin Özen a Versavia Peckels
De Yasin Özen huet Philosophie studéiert a laang Zäit am Film geschafft, bis hien entscheet huet dat net méi ze maachen a Schoulmeeschter ze ginn. Ass dat Scheiteren? D’Versavia Peckels fänkt grad eréischt un als Video Content Creator a wëllt net just e klengen Deel vun enger grousser Industrie ginn. Wéi soll dat goen? De Luc Spada, de Moderator vu Fiasko Fest, wëllt et ganz genee wëssen.
S02E32 Mir scheiteren ëmmer nach: Eileen Byrne a Marc Baum
De Marc Baum ass Schauspiller a Politiker. Do stellt sech d’Fro schonn: Wou muss een am authenteschste sinn? D’Äntwert ass natierlech net einfach, mee Fiasko Fest wot de Versuch. An déi zweet Invité:e beim Luc Spada ass d’Regisseurin Eileen Byrne, déi sech vill Gedanken dorëms mécht, wéi een en Team gutt leet, ouni all Empathie mussen opzeginn.
S02E31 Mir scheiteren ëmmer nach: Sascha Ley a Grek
D’Sascha Ley ass zwar u sech eng ganz passionéiert Persoun, mee si huet an de leschte Joren awer geléiert, datt Leed näischt mat Léift muss ze dinn huet. Et muss een näischt erdroen an enger Bezéiung. Wat de Grek awer muss, well hien dat selwer net esou gäre bei sech huet, ass roueg bleiwen. An zwar op der Strooss, wann hien am Auto sëtzt. Fir de Rescht bleift hien an der Reegel éischter roueg. Od
Podcast-Tip: Carambolage
Tëschent Februar a Juli 2024 kritt d'Caritas 61 Milliounen Euro geklaut. Wéi kann et sinn, datt dëse risege Bedruch gelongen ass? A war den Ënnergank vun där kathoulescher Organisatioun domadder inevitabel? Dës Chronologie vun enger Affär, an där zimmlech alles schif leeft, wat nëmme ka schif lafen, verzielen d'Pia Oppel an de Jean-Claude Franck an 8 Episoden.
"Carambolage" ass d
S02E30 Mir scheiteren ëmmer nach: Joël Seiller a Maxime Weber
De Joël Seiller weess, wat et heescht vill Stress ze hunn. Hie weess awer och, wat et heescht, wann et ob eemol ganz roueg gëtt. An een da ganz eleng do steet. Da stellt sech d’Fro: Wéi geet et elo weider? Brauch et vläicht Therapie? Ganz sécher brauch et déi. Dat weess och dem Luc Spada säin zweeten Invité, de Maxime Weber. Hien war laang Zäit mat vill Haass konfrontéiert a huet misse gläichzäite
S02E29 Mir scheiteren ëmmer nach: Marie Jung a Hans Fellner
D’Marie Jung ass Schauspillerin, awer och e bësse Schrëftstellerin a ganz vill Mënsch. Den Hans Fellner war scho villes an am Moment e Mann mat Projete lénks a riets. Allen zwee hu si vill erlieft an och wann et eescht gouf, et hätt och richteg kéinte schifgoen, war do och ëmmer de Virwëlz, d’Loscht op wat alles nach komme kann.
S02E28 Mir scheiteren ëmmer nach: Pascale Noé Adam a Max Feller
D’Pascale Noé Adam ass Schauspillerin, mëttlerweil och Regisseurin a fir net musse mat Leit zesummenzeschaffen, déi hir net gutt dinn, huet si mat hirer Zwillingsschwëster en eegene Kollektiv gegrënnt. A wéi ass dat iwwerhaapt mat Zwillingsschwësteren? Ginn et Ënnerscheeder zu den “normale Geschwëster“? A wat mécht een eigentlech, wann et der eegener Schwëster net gutt geet. Dozou huet de Max Fell
S02E27 Mir scheiteren ëmmer nach: Véronique Kolber an Dan Tanson
Et hätt och ganz anescht kéinte kommen, passt wuel ganz gutt zu der Job-Description vun der Véronique Kolber, déi haut awer gäre Fotografin ass. An den Dan Tanson weess fir sech, datt Zynismus näischt fir hien ass an awer erlieft hien d’Erwuessenewelt als eng zynesch. An um Enn erzielen dem Luc Spada seng zwee Invitéen iwwer hir Erfarunge mam Doud a wéi si e bal bei sech selwer an och bei aneren e
S02E26 Mir scheiteren ëmmer nach: Patrick Miranda (Pleasing) an Andy Genen
An dëser Episod dauche mir an déi donkel Momenter vum Liewen an. De Luc Spada schwätzt mam Patrick Miranda (Pleasing) an Andy Genen iwwer d'Dualitéit vum Liewen. Wéi et sech ufillt tëschent Depressioun a Freed, wéi et ass, wann een net méi aus dem Bett kënnt a wat et heescht, wann en déi eege Passioun zwar iwwert alles gär huet, mee och zu engem Bandscheiwevirfall féiere kann. Mir schwätzen i
S02E25 Mir scheiteren ëmmer nach: Anne Reding a Julie Conrad
D’Julie Conrad ass Designerin, also: keng Kënschtlerin. Wat do eigentlech den Ënnerscheed ass, erkläert si dem Luc Spada. Wat d'Design- an d'Konschtwelt jiddefalls gemeinsam hunn, ass, datt a béide Welten Iddie vunenee geklaut ginn. Déi zweet Invitée ass d’Anne Reding, ënner anerem d'Presidentin vu Cultur’All. Wéi ass hei de Stand? Muss ee vill kämpfe fir der ganzer Gesellschaft Kul
S02E24 Mir scheiteren ëmmer nach: Christophe Strotz an Jeremy Palluce
De Christophe Strotz ass elo CEO vu Linster Studios, quasi Chef, dat seet hien awer net esou gären. Wat hien eis awer seet, ass, datt et immens wéideet, wann engem d’Achillesseen räisst. Dat klaakt esou haart, datt een et richteg héiere kann. Wat kënnt nach alles?, wëllt de Luc Spada vum Kënschtler Jeremy Palluce wëssen. Genee weess hien et net, mee sécher ass: Hie wëllt e grousse Kënschtler ginn.
S02E22 Mir scheiteren ëmmer nach: Paul Kohn a Patrick Galbats
De Patrick Galbats hätt net geduecht, datt een iwwer Sue schwätzt an awer schwätzt hien doriwwer. Awer natierlech och just, well de Luc Spada nofreet, esou wéi een et vun him bei Fiasko Fest gewinnt ass. An dann ass do nach d’Fro: Wat ass en Artiste-photographe? Ass dat e Choix? Alles ass e Choix, och beim Paul Kohn a grad och dann, wann et ëm Zäit geet, a wéi ee sech déi Zäit am beschten andeelt.
S02E21 Mir scheiteren ëmmer nach: Gilbert Pregno a Sahra Mandres
Fiasko Fest mam Gilbert Pregno a Sarah Mandres ass e grousse Best of mat villen Tréine vu Begeeschterung, vun Trauregkeet, voll mat Liewen an natierlech och dem Doud. A wéi dat esou dacks ass, wann e Psycholog mat am Raum ass, gëtt och iwwer Eltere geschwat, awer och iwwer Fëmmen oder net méi fëmmen. An um Enn gëtt Merci gesot. Wisou? Vläicht huet et mat der leschter Fro vum Luc Spada ze dinn ...
S02E20 Mir scheiteren ëmmer nach: Antoine Grimée a John Wolter
Den Antoine Grimée ass Illustrateur, ënner anerem vum Buch “L’arnaque des nouveaux pères“, an dat ass schonn emol e gudden Ausgangspunkt fir iwwer déi eege Fiaskoen ze schwätzen. An hei spuert och de John Wolter, Museker, net mat Éierlechkeet. Et entsteet e gemeinsaamt Gespréich mam Luc Spada, dat net un Tréinen an un Déift spuert. Awer och Humor an Hoffnung fannen hir Plaz.
S02E19 Mir scheiteren ëmmer nach: Daniel Balthasar an Nathalie Oberweis
D’Nathalie Oberweis huet lescht Joer hiert Mandat am Stater Gemengerot opginn. Zanterdeem huet si méi Zäit, schafft elo als Proff an awer vermësst si et keng Plattform méi ze hunn. Dat ass et nämlech wat ee brauch, wann een eppes bewierke wëllt an deene Leit eng Stëmm ginn, déi keng hunn.
Ganz aner Ziler huet den Daniel Balthasar, dee virun allem eppes wëllt: Musek maachen. Ouni Musek ass hien net
S02E18 Mir scheiteren ëmmer nach: Alain Welter an Anny Keller
Den Alain Welter huet nach ni Fiasko Fest gelauschtert. De Luc Spada huet hien trotzdeem invitéiert. De Moler vu Koler ass gären ënnerwee, awer fillt sech och „am Duerf“ ganz wuel a sicht seng Wouerecht iergendwou tëscht Credibilitéit a Mainstream. Déi zweet Invité ass d’Anny Keller. Si ass an der Pädagogik doheem. Laang huet si um Terrain geschafft, awer mëttlerweil fillt si sech och „am Büro“ ga
S02E17 Mir scheiteren ëmmer nach: Anouk Faber an Florence Sunnen
D’Scheitere fänkt scho mam éischte Saz vun der Sendung un an dat huet mam Nonumm vun der éischter Invité, d’Schrëftstellerin Florence Sunnen, ze dinn. Hei léiert de Luc Spada, wat sou zwee Punkten op engem „u“ ausmaache kënnen - Oder eben och net. Allgemeng kann een alt erëm vill bei Fiasko Fest léieren. Natierlech iwwert d’Liewen, iwwert den Doud, awer och Europa. Hei weess d’Anouk Faber vill ze
S02E16 Mir scheiteren ëmmer nach: Georges Metz a Josée Lorsché
De Georges Metz ass Direkter vum Service National de la Jeunesse an de Luc Spada sicht no der emotionaler Äntwert, wisou ee sech sou staark fir d’Jugend engagéiert. Muss een do selwer eng ustrengend Jugend gehat hunn? Déi zweet Invitée bei Fiasko Fest ass d’Politikerin Josée Lorsché, déi iwwer hir Feeler vun de leschte Jore schwätzt, wann et dann iwwerhaapt Feeler waren.
S02E15 Mir scheiteren ëmmer nach: Christiane Kremer a Luan Lamberty
"Luan? Wëllt Dir traureg a faarweg sinn?" Dat war eng vun den éischte Froen, déi de Luc Spada an der éischter Emissioun Fiasko Fest vum neie Joer 2025 dem Kënschtler Luan Lamberty gestallt huet. An zesumme mat der zweeter Invitée, der Journalistin a Verleeërin Christiane Kremer stelle mir eis d’Fro vum Alter a wéi deen sech eigentlech esou ufillt. An um Enn schwätze mir iwwer déi Themen, i
S02E14 Mir scheiteren ëmmer nach: Magaly Teixeira a Yannick Muller
De Yannick Muller (oder Bobby Bieles) schwätzt net gären, mee benotzt léiwer seng Hänn, als DJ oder och fir ze molen. Hie schwätzt mam Luc Spada iwwer Widderhuelung, Kreativitéit, a wou hei de Lien zum Scheiteren ass, a wéi doraus e Buch entstoe kann.
Fir datt eppes geschéie kann, muss et heiansdo wéidoen. Eng Iwwerzeegung, déi och d’Magaly Teixeira deelt, déi bei Fiasko Fest ënner anerem iwwer hi
S02E13 Mir scheiteren ëmmer nach: Chantal Maquet a Frank Wies
An dëser Fiasko Fest geet et ëm Moral a Recht, ëm Muppen an d'Elengsinn, ëm Strof a Verzeiung, Punk Rock a Schold. Dofir huet de Luc Spada den Affekot Frank Wies an d’Kënschtlerin Chantal Maquet bei sech an de Studio agelueden. An d’Moral vun der Geschicht: Net kräischen, well et war schéin. An dat muss gefeiert ginn. A wann een um Enn näischt ze soen huet, ass dat guer net esou schlëmm.
S02E12 Mir scheiteren ëmmer nach: Elise Schmit a Sacha Hanlet
D’Elise Schmit ass Schrëftstellerin a spéitstens mat Covid gouf hir kloer, datt Elengsinn näischt fir si ass. Och datt Schreiwe richteg haart ka sinn, huet si an de leschte Jore missen erliewen. Net vill anescht ass dat och an der Musek, weess de Sacha Hanlet (Them Lights), deen zweeten Invité bei Fiasko Fest. Säi gréisste Problem bei der musekalescher Kreatioun ass d'Schreiwen. Vill méi wich
S02E11 Mir scheiteren ëmmer nach: Antoine Pohu
Dës Emissioun ass eng Aart Special Edition. De Luc Spada gouf vun enger Invitée setze gelooss, an do war et just nach een: De Schrëftsteller Antoine Pohu. Iwwer bal eng Stonn huet de Luc Spada domadder Zäit gehat, mat him iwwer Schreiwen Ängscht, a Succès ze schwätzen, awer och iwwer Kriticken a wat et heescht, wann een op de Radio ageluede gëtt an op eemol mierkt, datt ee just ageluede gouf fir g
S02E11 Mir scheiteren ëmmer nach: Monica Semedo a John Happi
Den John Happi huet keng Angscht virum Doud an och allgemeng ass hie kee Mënsch, dee vill Angscht huet. Mat enger Ausnam: Eppes net ze maache vu lauter Angscht ze scheiteren. An esou koum et och, datt hie säi Job als Staatsbeamten opginn huet. Donieft huet de Luc Spada d’Monica Semedo an de Studio invitéiert. An hei koume vill verschidde Froen op: Wat hätt ee kéinte besser maachen? Wat ass d'
S02E10 Mir scheiteren ëmmer nach: Paul Galles a Jill Crovisier
De Paul Galles war Paschtouer, huet bei der Caritas geschafft an ass haut: Politiker. Hie wëllt sech, esou platt et och klengt, fir eng besser Welt asetzen. Hie weess awer, datt dat net ëmmer esou einfach ass. Och net fir dat eegent Privatliewen. Déi zweet Invitée ass d’Dänzerin Jill Crovisier, déi haut zu kengem Moment bereit sech voll a ganz enger Karriär als Dänzerin a Choreographin verschriwwe
S02E09 Mir scheiteren ëmmer nach: Mia Kinsch an Tom Hecker
Mam Tom Hecker (Tatta Tom, Séraphine Mirage) an dem Mia Kinsch geet et dës Kéier ëm d'Konscht, Feminismus, kleng a grouss Echecken, plakeg sinn, ëm Haass aus dem Internet an eng Morddrohung. A wéi kënnt een aus deene klengen an och méi grousse Problemer hallef gesond erëm eraus? Villäicht matt enger Kichen, déi engem Disney-Film änelt. Villäicht och einfach nëmme matt engem gudden emotionale Supp
S02E08 Mir scheiteren ëmmer nach: Karolina Markiewicz an Anne-Marie Reuter
D'Anne-Marie Reuter an d'Karolina Markiewicz schaffe mat Wierder a sinn och Proff. Allenzwee sinn dankbar, datt si am Alldag kënnen am Kontakt mat jonke Leit sinn, sichen awer och de kënschtlereschen In- an Output.
Zesumme mam Luc Spada féieren déi zwee Invitéeën en déift, och net ëmmer einfacht Gespréich iwwer d'Gesellschaft, d'Konscht an och d'Frustratioun vum Moment, wat een oder wat een och n
